Home / ප‍්‍රාදේශිය / බස් රථයක් පෙරලෙයි …71 කට තුවාල …වැඩි දෙනෙකු පාසැල් සිසුන්

බස් රථයක් පෙරලෙයි …71 කට තුවාල …වැඩි දෙනෙකු පාසැල් සිසුන්

තලවාකැලේ සිට ඩයගම දක්වා ධාවනය වු පෞද්ගලික බස් රථයක් එම මාර්ගයේ වාලමෙලෙයි හෙල්බොඩ වතුයාය ප‍්‍රදේශයේදි මාර්ගයෙන් ඉවතට පැන කන්දක හැපිමෙන් එම බස් රථයේ ගමන් ගත් පාසල් ළමුන් ඇතුළු 71 දෙනෙකු සුලූ තුවාල ලබා ආගරපතන ප‍්‍රාදේශීය රෝහලට ඇතුලත් කළ බව ආගරපතන පොලිසිය පැවසුවා.

අද (10) උදෑසන 8.00 ට පමණ මෙම අනතුර සිදුවු බවයි පොලිසිය පවසන්නේ. බස් රථයේ ඉදිරිපස රෝදයේ ඇති වු හදිසි ආපදා තත්ත්වයක් හේතුවෙන් බස් රථය නතර කර ගැනිමට රියදුරා ධාවනය වු බස් රථය ප‍්‍රධාන මාර්ගයේ වු කන්ද හප්පවා බස් රථය නතර කරගෙන තිබෙනවා.

එම අවස්ථාවේ බස් රථයේ ගමන් ගත් මෙම පාසල් ළමුන් පිරිස සුලූ තුවාල ලබා ආගාරපතන රෝහල වෙත ඇතුලත් කිරිමෙන් පසු තුවාලකරුවන්ගෙන් කොටසක් බාහිර රෝගි අංශයෙන් ප‍්‍රතිකාර ලබා පිටවගොස් ඇති අතර සෙසු අය නේවාසිකව ප්‍රතිකාර ලබන බවයි ආගරපතන පොලිස් ස්ථානාධිපති ආනන්දසිරි පැවසුවේ . අනතුර පිළිබද ආගරපතන පොලිසිය පරික්‍ෂණ පවත්වනවා.

(රංජිත් රාජපක්ෂ )

Check Also

එක තැන මළ සිරුරු 03 ක් …අභිරහස් ලෙස මිය ගිය පුද්ගලයෙකුගේ මළ සිරුරකුත් සොයා ගැනේ

හැටන් ලංගම බස් නැවතුම්පොළ තුල මගි පරියන්ථයේ අභිරහස් ලෙස මියගිය අයෙකුගේ මළ සිරුරක් හැටන් පොලිසිය ...