Home / අතන මෙතන / ඕස්ට්‍රේලියා සංක්‍රමණිකයන් බාර ගන්න අමෙරිකා එකඟතාවක්!

ඕස්ට්‍රේලියා සංක්‍රමණිකයන් බාර ගන්න අමෙරිකා එකඟතාවක්!

ඕස්ට්‍රේලියානු භූමියෙන් පිටත ශාන්තිකර දූපත් තුළ පිහිටි කඳවුරුවල රඳවනු ලැබ සිටින සංක්‍රමණිකයන් යළි පදිංචි කරවීම සඳහා ඕස්ට්‍රේලියානු ආණ්ඩුව සහ ඇමරිකා එක්සත් ජනපදය එකඟතාවකට පැමිණ තිබේ.

එම ගිවිසුම යටතේ පැපුවා නිව්ගිනියා සහ නාවුරු දූපත්වල රඳවනු ලැබ සිටින දේශපාලන රැකවරණය පතන සංක්‍රමණිකයන් එක්සත් ජනපදයේ නැවත පදිංචි කරවීමට නියමිත බව ඕස්ට්‍රේලියානු අගමැති මැල්කම් ටර්න්බුල් පැවසීය.

දේශපාලන රැකවරණය වඩාත්ම අවශ්‍ය සංක්‍රමණිකයන්ට ඒ සඳහා අවස්ථාව හිමි වනු ඇති අතර එම පියවර ඕස්ට්‍රේලියානු අගමැතිවරයා විසින් විග්‍රහ කරනු ලැබුවේ එක් වරකට පමණක් සීමා වන එකඟතාවක් වශයෙනි.

ඇමරිකාවේ ජනාධිපති ධුරය සඳහා තේරී පත් වී සිටින ඩොනල්ඩ් ට්‍රම්ප් ඒ සම්බන්ධයෙන් දක්වන මතය මෙතෙක් පැහැදිලි නොමැත.

දේශපාලන රැකවරණය පතා ඔස්ට්‍රේලියාව වෙත පැමිණි එක්දහස් දෙසීයක පිරිසක් මනුස්, පැපුවා නිව්ගිනියා සහ නාවුරු දූපත්වල රඳවනු ලැබ තිබේ.

ඔස්ට්‍රේලියාව බලා බෝට්ටු ඔස්සේ පැමිණෙන සංක්‍රමණිකයන් සහ සරණාගතයන් නැවත හරවා යැවීමේ එරට ප්‍රතිපත්තිය මානව හිමිකම් සංවිධානවල දැඩි විවේචනයට ලක් වේ.
ඔස්ට්‍රේලියා ආගමන හා දේශ සීමා ආරක්ෂණය පිළිබඳ අමාත්‍ය පීටර් ඩටන් පවසන්නේ අනාගතයේදී ඔස්ට්‍රේලියාවට පැමිණෙන අනවසර සංක්‍රමණිකයන් සඳහා මෙම වැඩපිළිවෙළ ක්‍රියාත්මක නොවන බවය.

Check Also

මං නුඹගේ අඩි පාරේ …මහින්දගේ උපන්දිනය වෙනුවෙන් බාල පුතු රෝහිතගෙන් අලුත්ම ගීයක්

හිටපු ජනාධිපති පාර්ලිමේන්තු මන්ත්‍රි මහින්ද රාජපක්ෂගේ බාල පුත් රෝහිත රාජපක්‍ෂ විසින් තම පියාගේ උපන්දිනය වෙනුවෙන් ...