Home / Featured / උතුරට දැන් හමුදාව වැඩක් නෑ …උතුර සන්සුන් !

උතුරට දැන් හමුදාව වැඩක් නෑ …උතුර සන්සුන් !

උතුරු පළාත තුළ හමුදාවට සිදු කිරීමට අද රාජකාරියක් නැති බව ,අමාත්‍ය ෆිල්ඩ් මාෂල් සරත් ෆොන්සේකා පවසයි .ඔහු සදහන් කලේ ,නමුත්  උතුරින් හමුදාව ඉවත් කිරීම අනුමත කල නොහැකි බවයි .

හමුදාව රාජකාරි වලට යෙදවීම අද අවශ්‍ය නැති වුවත් හෙට අවශ්‍ය විය හැකි බව පෙන්වා දෙන සරත් ෆොන්සේකා වැඩිදුරටත් කියා සිටියේ හමුදාව උතුර -දකුණ නොබලා ස්ථානගත කිරීම අතිශයින් වැදගත් බවයි .

දැනට උතුරු -නැගෙනහිර තත්වය පාලනය කිරීමට ,පොලිසියට හැකියාව පවතින බවත් උතුරේ දැන් සාමය ස්ථාපිතවී , සාමාන්‍ය වතාවරණයක් ඒ පළාත තුළ පවතින බවයි ෆොන්සේකා අවධාරණය කලේ . මේ රටේ සෑම තැනකම හමුදාව රදවා තිබීම වැදගත් වන බැවින් කොයිම ප්‍රදේශයකින්වත් හමුදාව ඉවත් කල යුතු බවට කිසිවෙකුටත් , තර්ක ගෙන ඒමට හැකියාවක් නොමැති බවයි අමාත්‍යවරයා පැවසුවේ .

කොළඹ පැවති උත්සවයකින් අනතුරුව මාධ්‍යවේදීන් ඇසූ ප්‍රශ්නවලට පිළිතුරු ලබා දෙමින් අමාත්‍යවරයා මේ බව කියා සිටියා .

උතුරට හමුදාව එපා පොලිසිය ප්‍රමාණවත් යැයි දෙමළ දේශපාලන පක්ෂ ප්‍රකාශ නිකුත් කිරීම සම්බන්ධයෙන් මාධ්‍යවේදීන් අමාත්‍යවරයාගෙන් ප්‍රශ්න කල අතර එයට පිළිතුරු ලබා දෙමින් සරත් ෆොන්සේකා මේ බව කියා සිටියා .

Check Also

අගමැති කමේ කිසිදු වෙනසක් නෑ…අගමැති ඉවත් කිරිමට කිසිදු උත්සහයක් ගන්නේ නෑ…

අග්‍රාමාත්‍යධූරයේ වෙනසක් සිදුකර ශ්‍රී ලංකා නිදහස් පක්ෂය නියෝජනය කරන නව අග්‍රමාත්‍යවරයෙකු පත් කිරීමේ කිසිදු අදහසක් ...

One comment