ශ්‍රිලනිපයට සහ එජාපයට එක්ව ගමනක් නෑ …ආණ්ඩුව කැද හැළියක්ම බව SB පිළිගනී ! 2017 දී තීරණයක් ගන්න යයි

1

ශ්‍රී ලංකා නිදහස් පක්ෂ ආණ්ඩුවක් බිහිකිරීමේ අරමුණින් ඉදිරියේදී කටයුතු කළ යුතු බව අමාත්‍ය එස් .බි දිසානායක පවසයි .අමාත්‍යවරයා මේ බව පැවසුවේ , වලපනේ ප්‍රදේශයේ පැවති උත්සවයකට එක්වෙමින්.

රටේ ප්‍රධාන පක්ෂ දෙක එකට එකතුවී කටයුතු කිරීම , ගැටළු සහගත බැවින් තවදුරටත් එය පවත්වා ගෙන යෑම අසීරු බවද අමාත්‍යවරයා සදහන් කලා .

ශ්‍රිලනිපයේ සහ එක්සත් ජාතික පක්ෂයේ ඇත්තේ , එකිනෙකට හාත්පසින්ම වෙනස් න්‍යාය පත්‍ර දෙකක් නිසා ආණ්ඩුව තුළ මේ අර්බුධය හට ගෙන ඇති බවයි ඔහු කියා සිටියේ .

ඊළග මැතිවරණයේදී මෛත්‍රිපාල සිරිසේන ජනාධිපතිවරයා සහ අගමැතිවරයා වෙන වෙනම පක්ෂ දෙක නියෝජනය කරමින් මැතිවරණයට ඉදිරිපත් වීම සදහා ගිවිසුම් ගතවී ඇති බවද ඔහු අනාවරණය කලා .

පොදු කාරණා කිහිපයක් මත , සම්මුතිවාදි ආණ්ඩුවක් ගොඩ නැගුවද , මෙය දීර්ඝකාලීනව නැති බවත් ලබන වසරේදී මේ සම්බන්ධයෙන් තීරණයක් ගනු ඇති බවද ඔහු සදහන් කලා .