Home / Featured / නව වසරේ තවමත් සුපිරිම ගැහිල්ලක් …මිලියන 300ක් වැයකර දුම්රිය කෞතුකාගාරයක් හදන්න යයි …පිටුපස මහා ජාවාරමක් !
trian_newsalert_03_01_2016

නව වසරේ තවමත් සුපිරිම ගැහිල්ලක් …මිලියන 300ක් වැයකර දුම්රිය කෞතුකාගාරයක් හදන්න යයි …පිටුපස මහා ජාවාරමක් !


දුම්රිය දෙපාර්තමේන්තුවේ මූලික අවශ්‍යතාව වන මැදිරි සෑදීමට අවශ්‍ය කර්මාන්ත ශාලාවක් හැදීම පසෙක දමා රුපියල් මිලියන 300ක් වැයකර කෞතුකාගාරයක් සෑදීමට ආණ්ඩුව කටයුතු කරමින් සිටින බවට , දුම්රිය වෘත්තිය සමිති සන්ධානය අනාවරණය කරනවා . මේ සම්බන්ධයෙන් ඔවුන් ජනාධිපති මෛත්‍රිපාල සිරිසේන වෙත ලිපියක් මගින් දැනුම් දී ඇත .

කොළඹ මරදානා දුම්රිය ගබඩා උපදෙපාර්මේන්තුවට අයත් කාර්යාල ඉවත් කරමින් සිදුකරන කෞතුකාගාරය ඉදිකිරීමේ ක‍්‍රියාව දේශපාලන මැදිහත් වීමක් සහිතව කරන ජාවාරමක් බවත් එය වහාම නතර කරලීමට මැදිහත් වෙන ලෙසට දුම්රිය වෘත්තිය සමිති සන්ධානය ජනාධිපතිවරයාගෙන් ඉල්ලීමක් කරනවා .

පහත දැක්වෙන්නේ ඔවුන් ජනාධිපතිවරයා වෙත යවන ලද ලිපියයි

ගරු ජනාධිපති,
මෛත‍්‍රීපාල සිරිසේන මැතිතුමා,
ජනාධිපති ලේකම් කාර්යාලය,
කොළඹ 01.

මිලියන 300ක් වැයකර කෞතුකාගාරයක් හැදීම නතර කර මැදිරි සෑදීම සඳහා කර්මාන්ත ශාලාවක් රත්මලානට ලබාදෙන්න.

දුම්රිය මැදිරි සෑදීමට අවශ්‍ය පහසුකම් හා තාක්‍ෂණය දුම්රිය දෙපාර්තමේන්තුව සතුව නොමැති බව කියමින් දුම්රිය මැදිරි සෑදීම, පෞද්ගලික සමාගමකට ලබාදෙන ආණ්ඩුව , දුම්රිය දෙපාර්තමේන්තුවේ මූලික අවශ්‍යතාව වන මැදිරි සෑදීමට අවශ්‍ය කර්මාන්ත ශාලාවක් හැදීම පසෙක දමා රුපියල් මිලියන 300ක් වැයකර කෞතුකාගාරයක් සෑදීම දුම්රිය සංවර්ධනයට ඉවහල් පියවරක් නොව හුදෙක්ම ජාවාරම් කාරයින්ගේ අවශ්‍යතාවන් ඉටුකිරීම පමණක් බව අවධාරණයෙන් පෙන්වා දෙමු.

දුම්රිය දෙපාර්තමේන්තු අවුරුදු 152ක ඉතිහාසය විදහා දක්වන කෞතුකාගාරයක් අවශ්‍යතාවය බැහැර නොකරන අතර, එවැනි කෞතුකාගාරයක් කඩුගන්නාව දුම්රිය ස්ථාන පරිශ‍්‍රයේ, ඉතා විශාල මුදලක් වැය කොට මෑතකදී එය ආරම්භ කල බවත්, කොළඹ කෞතුකාගාරයේ හා තවත් ස්ථාන කිහිපයකම තිබු කෞතුක වස්තූන් සියල්ල එක්රැස් කර මෙම කෞතුකාගාරය ආරම්භ කල බවත්, එහි අඩුපාඩු ඇත්නම් ඒවා සපුරාලිය යුතු බවත්, පෙන්වා දෙන අතර, පුහුණු තාක්‍ෂන ශිල්පීන්ගේ පුරප්පාඩු සහ තවත් විවිධ අඩුපාඩුකම් හා දුෂ්කරතාවයන් මැද පවත්වාගෙන යන දුම්රිය සේවය විධිමත් කර ජනතාවට හොඳ දුම්රිය සේවයක් ලබා දීමට හෝ දුම්රිය සේවය සංවර්ධනයක කිරීමට අවශ්‍ය කටයුත්තක්, නොව මේ සිදු කරන්නේ දුම්රිය දෙපාර්තමේන්තුවම කෞතුකාගාරයක් කිරීම පමණක් බවත්, ඒ සඳහා රුපියල් මිලියන 300ක් මහජන බැංකුව, මර්චන්ට් බැංකුව සහ පීපල්ස් ලීසිං සමාගම වැය කරන බවත් කිවද, කවුරුන් විසින් හෝ එසේ වැය කරන්නේ ජනතාවගේ මුදල් වන නිසා ජනතාවගේ ප‍්‍රයෝජනය සහ රටේ අවශ්‍යතාව මූලික කොට ගෙන වඩා විධිමත් ලෙස එම මුදල් වැය කිරීම අත්‍යවශ්‍ය කටයුත්තක් බවද පෙන්වා දෙමු.

කඩුගන්නාව හැර තවත් ස්ථාන කිහිපයක කෞතුකාගාර ඇත. මේවා එක්තැන් කර කඩුගන්නාව කෞතුකාගාරය පුළුල් කිරීමට හා විධිමත් කිරීමට හැකියාව ඇත. එහෙත් ඉතා අත්‍යවශ්‍ය කටයුත්තක් ලෙස සලකා කාගේ හෝ වුවමනාවට නව කෞතුකාගාරයක් සෑදීම ජාවාරම්කාරයින්ගේ මනදොල සැපිරීමක් මිස දුම්රිය සේවය ඉදිරියට ගැනීමට සිදුකරන වෑයමක් නොවන බව ඉතා පැහැදිලිය. කොළඹ මරදානා දුම්රිය ගබඩා උපදෙපාර්මේන්තුවට අයත් කාර්යාල ඉවත් කරමින් සිදුකරන කෞතුකාගාරය ඉදිකිරීමේ ක‍්‍රියාව දේශපාලන මැදිහත් වීමක් සහිතව කරන ජාවාරමක් බැවින්, මෙය වහාම නතර කරන ලෙසත්, මෙම අතිවිශාල මුදල වැය කර රත්මලාන දුම්රිය කර්මාන්ත ශාලා භූමියේ දුම්රිය මැදිරි සෑදීම සඳහා කර්මාන්ත ශාලාවක් ගොඩනගන ලෙසත්, ගෞරවයෙන් ඉල්ලා සිටිමු.

මෙම ලිපිය තවත් ලිපියක් සේ සලකා ප‍්‍රවාහන අමාත්‍යවරයාට යැවීම වෙනුවට, ඔබතුමාගේ නියොගයක් සහිතව අවශ්‍ය පියවර ගතයුතු බවත්, වැඩිදුරටත් අවධාරනය කරමු.

ස්තූතියි,
මෙයට, සේවක අයිතීන් වෙනුවෙන්,
එස්.පි. විතානගේ
සමකැදවුම්කරු,

පිටපත – ගරු පාර්ලිමේන්තු මන්ත‍්‍රී,
සුනිල් හදුන්නෙත්ති මැතිතුමා.

lna-247-sms

Instant SMS Alerts of Lanka News Alert : type REG lna247 and SEND the SMS to 77002

[ Dialog & Hutch Only ]



Advertise-Here

Check Also

CHAMPIKA_NEWSALERT_18_01_2016

අහුවෙන්න එපා “රතනට ” චම්පික ජනපති කිරීමේ මෙහෙයුම ඇරඹෙයි …කොන්ත්‍රාත්තුව රතන හිමි අතට!

පූජ්‍ය අතුරලියේ රතන හිමියන් ආණ්ඩුවෙන් ඉවත්වී ස්වාධීන මන්ත්‍රිවරයෙකු ලෙස කටයුතු කිරීමට ගත් තීරණය උන්වහන්සේ විසින් ...

Leave a Reply

Your email address will not be published. Required fields are marked *