Home / Featured / බුදුදහමට මුල් තැන බෑ …උතුරු -නැගෙනහිර එක් කරන ෆෙඩරල් ව්‍යවස්ථාව හැකි ඉක්මණින් ඕනෑ …ද්‍රවිඩ පක්ෂ වලින් රජයට රතු එළි !

බුදුදහමට මුල් තැන බෑ …උතුරු -නැගෙනහිර එක් කරන ෆෙඩරල් ව්‍යවස්ථාව හැකි ඉක්මණින් ඕනෑ …ද්‍රවිඩ පක්ෂ වලින් රජයට රතු එළි !

හැකි ඉක්මණින්ම එක්සත් ශ්‍රී ලංකාවක් තුල උතුරු නැගෙනහිර ඒකාබද්ධ කළ ෆෙඩරල් රාජ්‍ය ව්‍යවස්ථාවක් ලබාගැනීම වෙනුවෙන් ආණ්ඩුවට බල කිරීමේ අවශ්‍යතාවය මේ වන විට මතුව ඇති බව , ඊපීආර්එල්එෆ් නායක සුරේෂ් ප්‍රේමචන්ද්‍රන් පවසයි . මේ සම්බන්ධයෙන් පසුගියදා විපක්ෂ නායක නිල නිවසේ විශේෂ සාකච්ඡාවක් පවත්වා තිබෙනවා.

එහිදි ද්‍රවිඩ දේශපාලන පක්ෂ තීරණය කර ඇත්තේ , එක්සත් ශ්‍රී ලංකාවක් තුල උතුරු නැගෙනහිර ඒකාබද්ධ කළ ෆෙඩරල් රාජ්‍ය ව්‍යවස්ථාවක් ලබාගැනීම වෙනුවෙන් ආණ්ඩුවට බල කිරීම සදහා සියළුම ද්‍රවිඩ පක්ෂ එක්විය යුතු බවයි .

ඒ වෙනුවෙන් රජය සමග සාකච්ඡා ආරම්භ කළ යුතු බවට තමිල් අරසු කච්චි, ඊළම් ජනතා විප්ලවවාදී විමුක්ති පෙරමුණ (ඊපීආර්එල්එෆ්), දෙමළ ඊළම් විමුක්ති සංවිධානය (ටෙලෝ) සහ දෙමළ ඊළම් ජනතා විමුක්ති සංවිධානය (ප්ලොට්) යන දෙමළ ජාතික සන්ධානයේ හවුල්කාර පක්ෂ නායකයන් එකඟ වී ඇත .

එහිදි මාධ්‍ය වෙත අදහස් දක්වමින් , සුරේෂ් ප්‍රේමචන්ද්‍රන් කියා සිටියේ , උතුරු නැගෙනහිරක් සහිත ෆෙඩරල් පන්නයේ ආණ්ඩු ක්‍රම ව්‍යවස්ථාවක් වෙනුවෙන් පාර්ලිමේන්තු මැතිවරණයෙන් තේරී පත්වූ දෙමළ ජාතික සන්ධානයට ඒ වරම අත්හල නොහැකි බවයි.එහිදී, දෙමළ දේශපාලන පක්ෂ විසින් වෙනම රාජ්‍යයක් වෙනුවෙන් තවදුරටත් පෙනී නොසිටීම සම්බන්ධයෙන් රජයද එක්සත් ශ්‍රී ලංකාවක් වෙනුවෙන් යහපත් ප්‍රතිචාරයක් දැක්විය යුතු බව ඔහු අවධාරණය කළා .

“අපි වෙනම රාජ්‍ය ඉල්ලීම අත ඇරලයි තියෙන්නේ. එහෙම නම් ආණ්ඩුව ඒකීය ව්‍යවස්ථාව අතහැර දමා ෆෙඩරල් ක්‍රමයකට එකඟ විය යුතුයි. උතුරු නැගෙනහිර ඒකාබද්ධ නොකර සිදුකරන කිසිම බලය බෙදීමක් හෝ විමධ්‍යගත කිරීමක් ගැන අපිට එකඟ වෙන්න බෑ. ඒ සමග ෆෙඩරල් රාජ්‍ය ව්‍යුහයක් ගැන දෙමළ ජාතික සන්ධානය රජය හා සාකච්ඡා කළ යුතුයි.

වර්තමාන ව්‍යවස්ථාවෙන් බුද්ධාගමට දී ඇති ප්‍රමුඛස්ථානය වෙනස් කළ නොහැකි නම් හින්දු, ක්‍රිස්තියානි සහ මුස්ලිම් බහුතරයක් සිටින උතුරු නැගෙනහිර හෝ එම තත්වය වෙනස් කළ යුතු යි .

අපි අනාගමික ශ්‍රී ලංකා රාජ්‍යයක් වෙනුවෙන් පෙනී ඉන්නවා. ආණ්ඩුව ඒකට සුදානම් නැතිනම් අඩුම වශයෙන් උතුරු නැගෙනහිර හෝ අනාගමික ප්‍රදේශයක් බවට පත් කළ යුතුයි.

Check Also

මහින්දගේ කඩේ විජේදාස අරී…-ගොම්බෙට්ට විජයදාසද? රනිල්ද?

නීතිඥ ලක්ෂාන් ඩයස් අලුත් පාර්ලිමේන්තුවේදි කල අනාවරණය පදනම් කරගෙන අමාත්‍ය විජේදාස රාජපක්ෂ ලක්ෂාන් ඩයස් සම්බන්දයෙන් ...