Home / පුවත් / පොලිසිය නිතීය නමන්න ගොස් අධිකරණයේදී ඇණ ගනී !
renuka-dushyantha_newsalert_11_01_2016

පොලිසිය නිතීය නමන්න ගොස් අධිකරණයේදී ඇණ ගනී !


ශ්‍රි ලංකා පොදු ජන පෙරමුණේ පාලක ලේකම් රේණුක දුෂ්‍යන්ත පෙරේරාට එරෙහිව කොළඹ වංචා විමර්ශන ඒකකය මගින් කොළඹ කොටුව මහෙස්ත්‍රාත් අධිකරණය වෙත ගොනු කර තිබූ පැමිණිල්ලකට අධිකරණය වෙත අපේක්ෂිත ඇප අයදුම්පතක් ඉදිරිපත් කර තිබූ අතර ඒ පිළිබද නඩු විභාගය ඊයේ විභාගයට ගත් අතර රේණුක දුශ්‍යන්ත පෙරේරා ජාතික ගමනා ගමන කොමිෂන් සභාවේ සභාපතිවරයා වශයෙන් සිටියදී , පල කරන ලද පුවත්පත් දැන්වීම් කිහිපයක් සම්බන්ධයෙන් අපරාධ නඩු සංග්‍රහය යටතේ පැමිණිල්ලක් ගොනු කර තිබූ අතර එම නඩුව සහ අපේක්ෂිත ඇප අයදුම්පත එදිනම විභාගයට ගත් අතර සිවිල් සංග්‍රහා නිතීය යටතට ගැනෙන කාරණයක් සම්බන්ධව අපරාධ නඩු සංග්‍රහය යටතේ නඩු පැවරුවේ කුමන පදනමකින්දැයි ප්‍රශ්න කල මහෙස්ත්‍රාත්තුමිය මෙම සිද්ධිය සම්බන්ධව අදාළ විත්තිකරු පරීක්ෂණ සදහා කැදවීම් කල අවස්ථාවල පොලිස් පරීක්ෂණ සදහා සහභාගි නොවන බවට අධිකරණයට කරුණු වාර්තා කර තිබුණද මෙම විත්තිකරු පරීක්ෂණ ආරම්භයේදීම ප්‍රකාශයක් ලබාදී ඇති බවත් , පොලිසිය විසින් කැදවන ලද දැනුම්දීමකට අනුව ඔහුගේ නීතිඥවරුන් විසින් ලිඛිතව වෙනත් දිනයක් ඉල්ලා ලිපියක් ලබාදී ඇති බවද අද දිනද අධිකරණය වෙත ස්වෙච්ඡාවෙන් ඉදිරිපත්වී තිබෙන බවත් , එසේ තිබිය දී පොලිසිය මේ නඩුව සම්බන්ධව අසත්‍ය තොරතුරු වාර්තා කරමින් මේ තරම් උනන්දු වන්නේ ඇයි දැයි විවෘත්ත අධිකරණයේදී මහෙස්ත්‍රාත්වරිය පොලිසියෙන්  ප්‍රශ්න කරන ලදී .

මෙහෙදි විත්තිය වෙනුවෙන් කරුණු දැක්වූ ජේෂ්ඨ නීතිඥ ශවේන්ද්‍ර ප්‍රනාන්දු මහෙස්ත්‍රාත්තුමියට කරුණු දක්වමින් ජාතික ගමනා ගමන කොමිෂන් සභාපතිවරයා ලෙස දැන්වීම් පල කිරීම හෝ මුදල් ගෙවීම සභාපතිවරයාගේ කටයුත්තක් නොවන බවත් 2015 ජනවාරි 08 න් පසු ඔහු සභාපති ධූරයෙන් ඉවත්වී ඇති බවත් ,එසේ තිබි යදී මෙවැනි චෝදනා ගොනු කිරීම දේශපාලන කාරණා මත පලි ගැනීමක් බවත්,  ඔහු  වර්තමානයේ ශ්‍රි ලංකා පොදු ජන පෙරමුණේ පාලක ලේකම්වරයා ලෙස පත් වීමෙන් අනතුරුව පොලිසිය මෙසේ  ක්‍රියා කරන බවත් ,ගරු අධිකරණයට විත්තිකරුගේ නීතිඥවරයා විසින් අධිකරණයට දැනුම් දෙන ලදී .

මේ සම්බන්ධයෙන් ගරු අධිකරණය විසින් රුපියල් ලක්ෂ දෙකක ශරීර ඇප මත විත්තිකරු මුදා හරින ලෙසත් සිවිල් විධි විධාන නඩු සංග්‍රහය යටතේ හා  අපරාධ නඩු විධි විධාන සංග්‍රහය යටතේ ගැනෙන කරුණු කවරේද යන්න පොලිසිය සැලකිලිමත් විය යුතු බවත් මේ ආකාරයට පුද්ගලයින්ට එරෙහිව නඩු ගොනු කිරීමේදී කටයුතු කල යුතු ආකාරය පිළිබදව විශේෂ අවධානය යොමු කරන ලෙස මහෙස්ත්‍රාත්තුමිය අවධාරණය කල අතර  මාර්තු මස 01 වන දින නඩුව කල් තබනු ලැබුවා.

lna-247-sms

Instant SMS Alerts of Lanka News Alert : type REG lna247 and SEND the SMS to 77002

[ Dialog & Hutch Only ]



Advertise-Here

Check Also

RAWEE_NEWSALERT_24_01_2016

කදුළු ගෑස්,කුළු පොළු නෑ…ග්ලෝබල් ස්ටාර් ලොජිස්ටික් සමාගමේ විරෝධතාවයට පෙට්‍රල් බෝම්බ අටවතී…අතහිත ඇමති රවීගෙන්

මුදල් අමාත්‍ය රවී කරුණානායකගේ පවුලට අයත් සීදුව ග්ලෝබල් ස්ටාර් ලොජිස්ටික් සමාගමේ සේවකයින් පිරිසක් අන්තරාදායක සේවකයින් ...

Leave a Reply

Your email address will not be published. Required fields are marked *