Home / Featured / මහපොළ ශිෂ්‍යත්ව දුන් පියාගේ නාම පුවරුව කැඩුවෙ ඇයි-අභ්‍යන්තර පරීක්ෂණයක් අරඹයි

මහපොළ ශිෂ්‍යත්ව දුන් පියාගේ නාම පුවරුව කැඩුවෙ ඇයි-අභ්‍යන්තර පරීක්ෂණයක් අරඹයි

පේරාදෙණිය විශ්ව විද්‍යාලයේ  නව ශිෂ්‍ය නේවාසිකාගාරයේ නාම පුවරුව විනාශ කිරීම සම්බන්ධයෙන් මේ වන විට අභ්‍යන්තර පරීක්ෂණයක් විශ්ව විද්‍යාලය මගින් ආරම්භ කොට තිබේ.

සිසුන් හාරසියයකට නේවාසික පහසුකම් සහිත කාමර සියයකින් යුතුව ඉදිකරන ලද සිව් මහල් නේවාසිකාගාරය විවෘත කිරීමට නියමිතව තිබියදී කිසියම් පිරිසක් විසින් එහි නාම පුවරුව විනාශ කොට තිබේ.

විශ්ව විද්‍යාල සිසුන් සදහා ලබා දෙන  මහපොළ ශිෂ්‍යත්ව අරමුදලේ නිර්මාතෘ දිවංගත ලලිත් ඇතුලත් මුදලි මහතාගේ නාමය සිහිපත් කරමින් එතුමාගේ නමින් මෙම නේවාසිකාගාරය නම් කර ඇති අතර ඊට ඇතැම් සිසුන් විරුද්ධ බව විශ්ව විද්‍යාල ආරංචි මාර්ග පවසයි.

මුදල් අමාත්‍යංශයේ ලේකම්වරයාගේ ප්‍රධානත්වයෙන් මෙම නේවාසිකාගාරය විවෘත කිරීමට නියමිතව තිබුණු අතර ඊට සිසුන්ගේ විරෝධය පළ වීමත් සමග එම විවෘත කිරීම කල්ගොස් තිබුණි.

මේ අතර ඇතැම් පිරිසක් විසින් මෙහි නාම පුවරුව කඩා දමා ඇති අතර මේ පිළිබදව විශ්ව විද්‍යාල මට්මමින් පරීක්ෂණයක් පවත්වන බව උපකුලපති මහාචාර්ය උපුල් දිසානායක මහතා ප්‍රකාශ කළේය.

නදීක දයා බණ්ඩාර – මහනුවර

Peradeniya - Hostal Damage Photo (1) Peradeniya - Hostal Damage Photo (2) Peradeniya - Hostal Damage Photo (3) Peradeniya - Hostal Damage Photo

Check Also

රවී යන්න මොහොතකට කලිනුත් සුපිරිම ගැහිල්ලක …ශ්‍රි ලංකා රේගුවට පාඩුව ලක්ෂ 100 කට අධිකයි

නිතී විරෝධි ලෙස මෙරටට ගෙන්වන ලද රෝස් දැව තොගයක් ශ්‍රි ලංකා වරාය රේගුව භාරයේ තිබියදී ...