Home / Featured / සිංහලයාගේ ජාන වල ආගම් විරෝධය නෑ ….උ /නැ විනාශය දැකලා සිංහලයාගේ හිත රිදිලා තියෙන්නේ …හැමදේටම ඥානසාර හිමි අල්ලගන්න එපා …උන්වහන්සේ කියන්නේ ඇත්ත !!!

සිංහලයාගේ ජාන වල ආගම් විරෝධය නෑ ….උ /නැ විනාශය දැකලා සිංහලයාගේ හිත රිදිලා තියෙන්නේ …හැමදේටම ඥානසාර හිමි අල්ලගන්න එපා …උන්වහන්සේ කියන්නේ ඇත්ත !!!

සිංහල මිනිස්‌සුන්ගේ ජානවල වෙනත් ආගම් වලට කිසිදු විරෝධයක් නැති බව අස්‌ගිරි මහා විහාර පාර්ශ්වයේ ලේඛකාධිකාරි මැදගම ධම්මාන්ද නාහිමි පවසයි.දිවයින පුවත්පත සමග සම්මුඛ සාකච්ඡාවකට එක් වෙමින් උන්වහන්සේ මේ බව පවසා තිබෙනවා.

එම සාකච්ඡාවෙන් කොටසක් පහත දක්වා තිබෙනවා .

ගලගෝඩඅත්තේ ඥානසාර හිමියෝ ජාතිවාදය ඇතිකිරීමට උත්සාහ කරනවය කියන චෝදනාව ඔබ වහන්සේ දකින්නේ කෙසේද?

මුස්‌ලිම් ඇමැතිවරු මේ චෝදනාව දිගින් දිගටම එල්ල කරනවා. උන්වහන්සේ අත්අඩංගුවට ගෙන නීතිය ක්‍රියාත්මක කරන්නයි ප්‍රබල ලෙස ඉල්ලීම් කරන බවත් දැනගන්න ලැබෙනවා. ඥානසාර හාමුදුරුවෝ ඉකුත් දවසක මල්වතු මහ විහාරයට වැඩම කරලා මහනායක හිමිවරු බැහැදැකල උන්වහන්සේගේ අදහස්‌ ප්‍රකාශ කළා. රට තුළ සිදු වන විනාශය උතුරු – නැගෙනහිර බෞද්ධ සිද්ධස්‌ථාන කඩා බිඳ දැමීම් ගැන තොරතුරු කිව්වා. රටේ ප්‍රශ්නවලට විසඳුම් අවශ්‍ය බව උන්වහන්සේ වරින් වර මහනායක හිමිවරු දැනුවත් කරමින් කියා සිටියා.

ඒ කාරණය ඇත්ත, ඇතැම් පුද්ගලයන්ගේ සිත් රිදීමට හේතුවෙලා තියෙන්නේ ඥානසාර හිමියන්ගේ වාග් විලාසය වෙන්න පුළුවන්. හැසිරීම රටාවේ ගැටලු තිබෙනවා මේවා පිළිගන්න, ඉවසීමෙන් කටයුතු කරන්න කියල අපි උන්වහන්සේට කියා හිටියා. ඔබ වහන්සේ කියන කාරණා පිළිබඳව රාජ්‍ය පාර්ශ්වය සමඟ සාකච්ඡා කරලා විසඳුම් සොයමු, එතෙක්‌ නිහඬව ඉන්න කියා අපි කියා සිටියා. අස්‌ගිරි මල්වතු මහනායක හිමිවරු මුණගැහිලා අවවාද අනුශාසනා අරන් යන අතර තුරදී කුරුණෑගලදී උන්වහන්සේව අත්අඩංගුවට ගන්න පොලිස්‌ බල ඇණියක්‌ යොදල මහා කලබැගෑනියක්‌ ඇති කරලා. ඥානසාර හාමුදුරුවෝ කියන්නේ මිනීමරුවෙක්‌ නෙවෙයිනේ. බැරියර් දාල උන්වහන්සේ අත්අඩංගුවට ගන්නට උත්සාහ කිරීම අපි තරයේ හෙළ දකිනවා. යම් අන්‍යාගමික නායකවරු, පූජකවරු තමන්ගේ යටතේ ඉන්න පිරිස්‌ වරදක්‌ කරලා අත්අඩංගුවට ගත් වෙලාවේ කිව්වා, අපි රාජ්‍ය උත්සව වර්ජනය කරනවා කියලා. මේවා නිසා නැති ගැටලු ඇතිවෙනවා. නමුත් අපි කවදාවත් එහෙම කියන්නේ නැහැ. නීතියට අපි ගරු කරනවා. නමුත් චීවර දරාගත්ත භික්‌ෂුවක්‌ නම් අපරාද ගණයට අයත් වරදක්‌ කරලා නැති නම් උන්වහන්සේ පෙනී සිටින්නේ රට ජාතිය ආගම වැනි පොදු කාරණා සම්බන්ධයෙන් නම් එවන් භික්‌ෂුවක්‌ වෙනුවෙන් පෙනී සිටීමේ අයිතිය අපට තියෙනවා. නීතිඥයෙක්‌ වුණත් වරදකරුවෙක්‌ වෙනුවෙන් පෙනී සිටින්නේ. උන්වහන්සේ කෝට්‌ටේ පාර්ශ්වයේ භික්‌ෂුවක්‌. නමුත් අපි පොදුවේ භික්‌ෂුන්වහන්සේලා ගැන සොයා බැලිය යුතු වෙනවා. පෙනී සිටිය යුතු වෙනවා.

මෙවන් කාරණා වලදී නීතිය සාධාරණ ලෙස ක්‍රියාත්මක වේවි කියා ඔබ වහන්සේ සිතනවද…….?

මම තරයේ මෙහිදී කියා සිටියා. නීතිය සාධාරණ ලෙස ක්‍රියාත්මක වෙනවා නම් උතුරු – නැගෙනහිර විග්නේෂ්වරන් මහ ඇමැතිතුමා කරන කියන ප්‍රකාශ සිවාජිලිංගම් ඇමැතිතුමා කරන කියන ප්‍රකාශ ගැන අවධානය යොමු කළ යුතු බව මොකද ඒ අය කියන කරන දේවල් ආණ්‌ඩුක්‍රම ව්‍යවස්‌ථාවට පටහැනි දේවල්. මේ අය ඇමැතිවරු ලෙස දිවුරුම් දීල තියෙනවනේ රට බෙදන්නේ නැහැ, රටට ජනතාවට අගතියක්‌ වන දේ කරන්නේ නැහැ කියලා. නමුත් අද ඔවුන් කරන්නේ ඒ දේවල්. ඇයි ඒ අයට නීතිය හරිහැටි ක්‍රියාත්මක කරන්නේ නැත්තේ කියන කාරණය මම ඉස්‌මතු කළා.

පහුගිය දවසක පාර්ලිමේන්තුවේදී, අනුරාධ ජයරත්න සහ විජිත හේරත් ඇමැතිවරු කියා හිටිය උතුරු – නැගෙනහිර විහාරස්‌ථාන හාරසිය ගාණක්‌ විනාශ කරලා කියලා. ඒ වෙලාවේ රවුෆ් හකීම් ඇමැති කියනවා ඒ ගැන පාර්ලිමේන්තුව තුළ සාකච්ඡා නොකර පක්‌ෂ නායක රැස්‌වීමේදී කතාකරමු කියලා. නැත්නම් දෙමළ පක්‌ෂවලට අසාධාරණයක්‌ වෙන්න පුළුවන් කියල. ඒ වගේ දේවල්වලින් අපට නීතියේ සාධාරණ බවක්‌ නැති බව පෙනෙනවා. ඥානසාර හාමුදුරුවෝ අත්අඩංගුවට ගන්න කියල කෑ ගහන රාජ්‍ය නොවන සංවිධාන වගේම විකල්ප පත්තර තම ජාතිවාදය අවුස්‌සන ක්‍රියාවල නිරතවෙලා තියෙන්නේ.

ඥානසාර හිමියෝ පෙන්වාදෙන කාරණා සියල්ල සත්‍ය කාරණාද…?

උන්වහන්සේ විල්පත්තු වන විනාශය ගැන රජයෙන් ප්‍රශ්න කළ නමුත් රජයට නොහැකි වුණ ඊට නිසි පිළිතුරක්‌ දෙන්න. රිෂාඩ් බදියුදීන් මහතාත් ඒ වෙලාවේ කිව්වා එවැන්නක්‌ සිද්ධ වෙන්නේ නෑ, සිදුවෙනවා නම් කමිටුවක්‌ පත් කරලා හොයන්න කියලා. අපිත් ඉල්ලා සිටින්නේ නිසි විමර්ශනයක්‌ කරන්න කියලා.

උතුරු – නැගෙනහිර තියෙන බෞද්ධ සිද්ධස්‌ථාන මුල් කරගෙන තමයි අපේ මේ භූමි උරුමය රැකිලා තියෙන්නේ. සිංහල බෞද්ධයෝ එහි සිටි බවට සාක්‌ෂි තියෙනවා. ඒ පිළිබඳ විලෝපනයක්‌ දැන් සිදුකරමින් සිටිනවා. මේ විලෝපනය කිරීම දේශපාලනය එක්‌ක දැන් බැඳිලා තියෙන්නේ. එක තමයි මේ විනාශයට මුල. ඥානසාර හිමියෝ පෙන්වාදෙන කාරණා මේවා.

අපි දුටු කාරණා බොහොමයක්‌ පවා තියෙනවා මේ අතරේ. නාගදීපය නම වෙනස්‌ කරන්න කටයුතු යොදල තිබුණා….නාගදීපයේ බුදුපිළිම තැනීමට විරෝධතාවක්‌ ගියා. යුද්ධ කාලේ යාපනය අතහැරලා ආපු බේකරිකරුවෝ ඇතුළු තුන්සියයක්‌ පමණ පිරිස නැවත පදිංචි වෙන්න ඉඩම් ඉල්ලලා යාපනය දුම්රියපොළ ඉදිරිපිට උපවාසයක්‌ කළා. නමුත් ඒවාට විරෝධතා ආවා.

ඥානසාර හිමියන්ගේ සියලුම ක්‍රියාවන් අනුමත නොකළත් උන්වහන්සේ දරන මතය පෙන්වා දෙන කාරණා ඔස්‌සේ දමා ඇති පදනම ගැන අපි උනන්දුවක්‌ දක්‌වන්න ඕන.

ජාතිවාදය ඉස්‌මතු කරන්නේ දේශපාලන නායකයන් විසින්ම බවටම චෝදනා කළොත්…?

ඒ චෝදනාව පිළිගත හැකි චෝදනාවක්‌. චන්ද්‍රිකා කුමාරතුංග ඇතුළු දේශපාලන බලවත්තු බොහෝ දෙනෙක්‌ සිංහලයන් ආගම්වාදීන් කියන වචන පාවිච්චි කරනවා. එය බොහොම සංවේග උපදවන්නක්‌. සිංහල බෞද්ධ ජනතාව කිසිදා ආක්‍රමණශීලි නැහැ. ජාතියට හෝ ආගමට හෝ එහි පැවැත්මට බාධාවක්‌ හෝ අනාරක්‌ෂිත බවක්‌ ඇතිවුණොත් අපි ඒ වෙනුවෙන් නැඟී සිටිනවා. ඉතිහාසය පුරාම සිද්ධ වුණේ ඒකයි.

අපේ සිංහල මිනිස්‌සුන්ගේ ජානවල නෑ වෙනත් ජාතීන්ට ආගම්වලට විරෝධයක්‌. ඊට හොඳම උදාහරණය, බොදුබල සේනාවෙන් කිව්වා මුස්‌ලිම් කඩවලින් බඩුගැනීම වර්ජනය කරන්න කියලා. කෝ අපේ අය එහෙම කළා ද..? සම තත්ත්වයෙන් හැමදෙනාම සලකන්න හුරුවෙලා ඉන්නේ.

කීර්ති ශ්‍රී රාජසිංහ රජතුමා දෙමළ සම්භවයක්‌ තියෙන රජ කෙනෙක්‌. නමුත් අපි අදටත් එතුමාට දිනපතාම දළදා තේවාවට පසුව පින් අනුමෝදන් කරනවා. එතුමා නමින් පූජා පාත්‍ර තියෙනවා. අදටත් උපසම්පදා කටයුතුවලදී රජුට පින් දෙනවා. මොකද සියම් උපසම්පදාව ගේන්න කටයුතු කළේ කීර්ති ශ්‍රී රාජසිංහ රජතුමා. මෑත කාලීන උදාහරණයක්‌ ගමු. ලක්‍ෂමන් කදිරගාමර් ඇමැතිතුමා තමයි වෙසක්‌ පොහොය ජාත්‍යන්තර නිවාඩු දිනයක්‌ බවට පත් කළේ. එතුමාට අසනීප වූ අවස්‌ථාවේ වකුගඩුවක්‌ දුන්නේ අපේ හාමුදුරුවෝ නමක්‌.

මනුස්‌සයෙක්‌ රටට සේවයක්‌ කරනවා නම් යහපත් ලෙස ජීවත් වෙනවා නම් අපට ප්‍රශ්නයක්‌ නැහැ. සිංහල බෞද්ධ චින්තනය ඒකයි. මේ රටේ අනිත් ආගම් ඉන්නවටවත් ජාතීන් ඉන්නවටවත් අපි විරුද්ධ නැහැ. මෙය තේරුම්ගත යුතුයි.

Check Also

අගමැතිකම ලැබුනේ පිනට…පිනට ලැබුන දෙයින් සේවාවක් කරන්න ඕන කියලා හිතන්නේ නෑ

වත්මන් අගමැතිවරයාට පිනට ලැබුණු ධූරයෙන් පවා රටට යහපතක් කිරීමට නොසිතන බව ගැටඹේ රාජෝපවනාරමයේ විහාරාධිපති පූජ්‍ය ...