කොස්ගම ආයුධ ගබඩාව ගිනි තැබීම කුමන්ත්‍රණයක්….රාජපක්ෂගේ වාහන 90ක් ඒකේ තිබුණා…..!

0

2016 ජූනි මස 05 වෙනි දින සිදු වක් කොස්ගම සාලාව ආයුධ ගබඩාව පුපුරුවා හැරීම රාජපක්ෂලාගේ ක්‍රියාවක් බව එක්සත් ජාතික පක්ෂ පාර්ලිමේන්තු මන්ත්‍රි නලීන් බණ්ඩාර පවසා සිටිනවා.

ඊයේ (07) කුරුණෑගල ප්‍රදේශයේ පැවති එක්සත් ජාතික පක්ෂ ජන රැලියක් අමතමින් මන්ත්‍රීවරයා මේ බව සඳහන් කර සිටියා.

“ඊයේ පෙරේදා රණවිරුවෙක් මට කතා කරලා කිව්වා විශේෂ තොරතුරක්. ඔහු කියනවා අවුරුද්දකර කලින් විතර කොස්ගම නාවික හමුදා කදවුර ගිනි ගත්තා. අපිට දැන් තොරතුරු හෙලි වෙලා තියනවා මේක කරන්න හේතු වෙන මොකක්වත් නෙමෙයි මේ නාවික කදවුර යටතේ රාජපක්ෂ මහත්තයාගේ රථවාහන 90ක් හංගලා තිබුණා කියන කාරණය. ඉදිරියේදි මේ කරුණු කාරණා ඔප්පු වෙයි. ඒ කියන්නේ මේ රජය ආවට පස්සෙත් සමහරු නිලධාරින් අල්ලගෙන රජය අපහසුතාවයට පත් වෙන්න රජය ඇතුලේ ඉදගෙන කුමන්ත්‍රණය කරන අය ඉන්නවා. ඒනිසා අපි කියනවා රජය ඇතුලේ ඉදගෙන රජය අපහසුතාවයට පත් කරන ඒ කූඨ නිලධාරින්ටත් දඩුවම් කිරීම මේ පෙබරවාරි 10 වෙනිදායින් පස්සේ අපි ආරම්භ කරනවා. මේ ප්‍රදේශ වලත් ඉන්නවා එක එක නිලධාරින්. සමෘද්ධි නිලධාරින් ඉන්නවා තාම යනවා කඩේ. හොදට මතක තියා ගන්න පෙබරවාරි 10 වෙනිදායින් පස්සේ සමෘද්ධි අමාත්‍යාංශයත් එක්සත් ජාතික පක්ෂය යටතට අරගෙන අපි අපේ එක්සත් ජාතික පක්ෂ සමාජිකයින්ට සලකන්න කටයුතු කරනවා,”මන්ත්‍රීවරයා මෙහිදි වැඩිදුරටත් සඳහන් කර සිටියා.