පක්ෂ අර්බුදය වහන්න ජනපති පාර්ලිමේන්තුව වැහුවා….ලැජ්ජායි….,කැතයි….!

0

ශ්‍රි ලංකා නිදහස් පක්ෂයේ අභ්‍යන්තර අර්බුදය වසා ගැනීම සඳහා ජනාධිපතිවරයා පාර්ලිමේන්තු සභාවාරය කල් දැමූ බව ජනතා විමුක්ති පෙරමුණේ නායක අනුර කුමාර දිසානායක චෝදනා කරනවා.

පාර්ලිමේන්තු සැසිවාරය අවසන් කිරීමට කිසිදු අවශ්‍යතාවක් නොතිබූ අවස්ථාවක සැසිවාරය අවසන් කිරීමට විධායක බලය පාවිච්චි කිරීම ප්‍රජාතන්ත්‍ර විරෝධී බවයි ඔහු සඳහන් කර සිටියේ.

“ජනාධිපතිවරයා පාර්ලිමේන්තු සැසිවාරය අවසන් කළේ පක්ෂයේ අභ්‍යන්තර අර්බුදය තාවකාලිකව වහ ගන්නයි. එතුමාගේ ඇමැතිවරු එහාට මෙහාට පනින එක වළක්වන්නයි. ඒවා එයාලගේ ප්‍රශ්න. ඒ ප්‍රශ්න රටට අදාළ කරන්නේ මොකටද? පාර්ලිමේන්තුවට ලබන 19 වැනි දා විගණන පනත ගේන්න තිබුණා.”

“අපි 20 වැනි සංශෝධනය ඉදිරිපත් කරන්න බලාගෙන හිටියා. දැන් ඒ ඔක්කොම ඉවරයි. හරි නම් ජනාධිපතිතුමා කරන්න ඕනා ඒවා ඉදිරියට ගෙන යන විධියට වැඩපිළිවෙළක් හදන එකයි. නමුත් කළේ වෙනත් දෙයක්. මේ වැඩ බලනකොට අපිට කියන්න වෙන්නේ කැතයි ලැජ්ජයි කියලා විතරයි.”

Anura Kumara Dissanayaka