අද මධ්‍යම රාත්‍රියේ සිය බස් වර්ජනයේ….වර්ජනයට මුහුණ දෙන්න ලංගම බස් 1500ක්!

0

බස් ගාස්තු සියයට 6 යි දශම පහයි හයකින් ඉහළ නැංවීමට රජය ගත් තීරණයට විරෝධය පල කරමින් අද(16) මධ්‍යම රාත්‍රියේ සිට බස් වර්ජනයක් ක්‍රියාත්මක කිරීමට පෞද්ගලික බස් සංගම් තීරණය කර තිබෙනවා.

කෙසේවෙතත් අද (16) පැවති කැබිනට් තීරණ දැනුම් දීමේ මාධ්‍ය හමුවට සහභාගි වෙමින් කැබිනට් ප්‍රකාශක අමාත්‍ය රාජිත සේනාරතන සඳහන් කළේ පෞද්ගලික බස් රථ ධාවනයට මුහුණ දීම සඳහා ලංගම බස් රථ 1500ක් පමණ අතිරේකව ධාවනය කිරීමට සූදානම් කොට ඇති බවයි.

මීට අමතරව දුම්රිය සේවාවන්ද වැඩි කර ඇති බවයි අමාත්‍යවරයා ප්‍රකාශ කළේ.

“බස් වල මිල ගණන් ඉහළ යාම ගැන කාටවත් මොකවත් කියන්න බෑ. ඉන්ධන වැඩි වීම සමඟ බස් ගාස්තු වැඩි වීම පිළිබඳව මිල සූත්‍රයක් තියනවා ප්‍රවාහන අමාත්‍යංශය හා බස් හිමියන් ඔක්කෝම එකතු වෙලා ගත්ත . ඒක අනුව තමයි බස් ගාස්තුව වැඩි කරලා තියෙන්නේ. ඒකට කාටවත් විරුද්ධ වෙන්න බෑ. පහුගිය කාල පරිඡේදය පුරාම එහෙම තමා බස් ගාස්තු වැඩි වුණේ.” අමාත්‍යවරයා පවසා සිටියා.

හැබැයි ඇමතිතුමා පසුගිය වසරේ දෙසැම්බර් මාසයේදිත් ඔහොම වර්ජයනයක් කළා ඒත් ලංගම හා දුම්රිය සේවාවන් ජනතාවගේ අවශ්‍යතා වලට ප්‍රමාණවත් වුණේ නෑ?

“දැන් ඔබ කියන්නේ ඒ ගොල්ලෝ වැඩ වර්ජනය කරනවා කියලා ඒ ගොල්ලන්ට ඉල්ලන ඕන දේවල් ලබා දෙන්න කියල ද? මේක රජයක් නේ.”

LEAVE A REPLY

Please enter your comment!
Please enter your name here