ඥාණසාර හිමි අධිකරණයට අපහාස කළාට වැරදිකරුයි…අවුරුදු 19ක් බරපතළ වැඩ ඇතුව අච්චු වෙයි

0

අධිකරණයට අපහාස කිරීම සම්බන්ධයෙන් බොදුබල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ට එරෙහිව ගොනු කර ඇති චෝදනා 04ටම උන්වහන්සේ වරදකරු බව අභියාචනාධිකරණය අද (08) තීන්දු කළා.

පූජ්‍ය ගලගොඩඅත්තේ ඥානසාර හිමිට බරපතල වැඩ සහිතව අවුරුදු 19ක සිර දඬුවමක් වසර 06කින් ගෙවී යන ලෙස ලබාදීමට අභියාචනාධිකරණ නියෝගකර තිබෙනවා.

මේ පිළිබඳව නීතිපතිවරයා විසින් ගොනු කළ පෙත්සම අනුව අභියාචනාධිකරණ සභාපති විනිසුරු පී‍්‍රති පද්මන් සූරසේන සහ ශිරාන් ගුණරත්න විසින් නඩුව කැදවූ අවස්ථාවේදී දැනුම් දෙනු ලැබුවා.

හෝමාගම මහේස්ත්‍රාත් අධිකරණයේ පැවති මාධ්‍යවේදී ප්‍රගීත් එක්නැළිගොඩ අතුරුදන් කිරීමේ නඩුව අවසන් වීමෙන් පසු එම අධිකරණ ශාලාව තුළ කලහකාරී ලෙස හැසිරීමෙන් ඥානසාර හිමියන් අධිකරණයට අපහාසයක් සිදුකර ඇත්දැයි විභාග කර ඒ පිළිබදව පියවරක් ගන්නා ලෙස ඉල්ලා එවකට හෝමාගම මහේස්ත්‍රාත්වරයා ලෙස කටයුතු කළ වත්මන් කොළඹ ප්‍රධාන මහේස්ත්‍රාත් රංග දිසානායක මෙම පෙත්සම අභියාචනාධිකරණයට යොමුකර තිබුණා.

මේ අතර ගලගොඩඅත්තේ ඥානසාර හිමියන්ගේ නීතීඥවරුන් විසින් අධිකරණය විසින් ලබා දුන් තීන්දුවට එරෙහිව අභියාචනයක් ගොනු කර ඇති අතර ඒ සම්බන්ධයෙන් ලබන 29 වෙනිදා වාචික කරුණු දක්වන ලෙසත් අධිකරණ නියෝග කර තිබෙනවා.