මුරුංගා කොළ තම්බාගෙන කෑම අසත්‍ය පුවතක්!

1

ආහාර නොමැතිව මුරුංගා කොළ පමණක් ආහාරයට ගන්නා පවුලක් පිළිබදව පළ වූ මාධ්‍ය වාර්තා සම්බන්ධයෙන් ජනාධිපති මාධ්‍ය අංශය නිවේදනයක් නීකුත් කර තිබේ.

පහත දැක්වෙන්නේ එම නිවේදනයයි…

අනුරාධපුර දිස්ත‍්‍රික්කයට අයත් ගලෙන්බිදුණුවැව ප‍්‍රදේශයේ අඹු සැමි යුවළක් වේල් ගණනක් ආහාරයක් නොමැතිව මුරුංගා කොළ තම්බාගෙන ආහාරයට ගන්නා බවට වූ පුවතක් පිළිබද පසුගිය දිනවල මාධ්‍ය වාර්තා පළ කර තිබිණි.

එම පුවත පිළිබද විශේෂ අවධානය යොමු කළ ජනාධිපති ගරු මෛත‍්‍රීපාල සිරිසේන මැතිතුමා ඒ පිළිබ`ද වහාම විමර්ශනයක් සිදුකරන ලෙස ඒ සම්බන්ධයෙන් පත් කළ කමිටුවකට උපදෙස් ලබා දුන් අතර, ඒ අනුව සිදුකළ විමර්ශනයේ දී හෙළි වී ඇත්තේ තොරතුරුවල නිර්වද්‍යතාවය තහවුරු කර ගැනීමකින් තොරව මෙම මාධ්‍ය වාර්තා පළ කර ඇති බවයි.

වසර 03 ක පමණ කාලයක සිට එම ප‍්‍රදේශයට බලපෑ දැඩි නියගය හේතුවෙන් සියලූ ප‍්‍රදේශවාසීන් පීඩාවකට ලක්ව ඇතත්, මුරුංගා කොළ තම්බා ආහාරයට ගැනීමට තරම් එම පවුල ආර්ථික දරිද්‍රතාවයකින් පෙළී නොමැති බවට එම පවුලේ සාමාජිකයින්ගෙන් සහ අසල්වාසීන්ගෙන් ද කළ විමසීමේදී හෙළිවී තිබේ.

නියගය හේතුවෙන් පීඩා විදි එම ප‍්‍රදේශයේ ජනතාවට රජය විසින් ලබාදුන් නියං සහනාධාර සහ අනෙකුත් ආධාර මෙම පවුලට ද හිමිවී ඇති අතර, අදාළ ගෘහ මූලික බී. පියසේන මහතාට වකුගඩු රෝගී ආධාර සහ සමෘද්ධි සහනාධාර ලැබෙන බව ද විමර්ශනවල දී හෙළිදරව් වී ඇත.

දිස්ත‍්‍රික් ලේකම් කාර්යාලය, ප‍්‍රාදේශීය ලේකම් කාර්යාලය, ගොවිජන සේවා දෙපාර්තමේන්තුව, කෘෂි රක්ෂණ මණ්ඩලය, ග‍්‍රාම නිලධාරි, සංවර්ධන නිලධාරීන්, කෘෂි පර්යේෂණ සහකාරවරුන් ප‍්‍රමුඛ රාජ්‍ය තන්ත‍්‍රයේ නිලධාරීන්ගේ ද ප‍්‍රකාශ, විමර්ශන කටයුතු ස`දහා උපයෝගී කරගෙන තිබෙන අතර, එම සියලූ විමර්ශනවලින් පෙනී ගොස් ඇත්තේ අදාළ මාධ්‍ය වාර්තා මගින් සත්‍ය තත්ත්වය විකෘති කර ඇති බවයි.

නිවැරදි තොරතුරු රහිතව එම පුවත වාර්තා වීම හේතුවෙන් රට තුළ ඇතිවූ ගැටඑකාරී තත්ත්වය පිළිබදව කනගාටුව පළ කරන අතර ම, රජය අපහසුතාවයට පත්කරන එවැනි අසත්‍ය පුවත් වාර්තාකරණයෙන් බැහැර වන ලෙසට ද අදාළ මාධ්‍ය ආයතන වෙත අවධාරණය කරමු.

ජනාධිපති මාධ්‍ය අංශය
2018-10-03

1 COMMENT

LEAVE A REPLY

Please enter your comment!
Please enter your name here