පොළොන්නරුවේ ආචාරියාත්, මැදමුළන ආචාරියත් කඩතොළු වහන්න ගිහින් කෙලවා ගත්තා

11

“එකක් කඩතොළු වසාගන්නට ගොසින් මට වූ කාරියා. දෙකක් කඩතොළු සදා ගත්තැයි ඉඳුරුවේ ආචාරියා” මේ අපේ පැරණි ප්‍රස්ථා පිරුල වර්තමානයට ගැලපෙන පරිදි වෙනස් කොට පොළොන්නරුවේ ආචාරියාත්, මැදමුළන ආචාරියත් විසින් කඩතොළු එකක් වසාගන්නට ගොස් කඩතොළු රාශියක් හදාගත් බව පා.ම නලීන් බණ්ඩාර පවසයි.

ඊයේ පෙරවරුවේ අරලියගහ මන්දිරයේ පැවති මාධ්‍ය හමුවකදී මන්ත්‍රීවරයා සදහන් කළේ

මේ ආචාරියන් දෙදෙනා විසින් අපේ ව්‍යවස්ථාව, ආර්ථිකය, පාර්ලිමේන්තු සම්ප්‍රදාය, රටේ කීර්තිනාමය හා අපේ අභිමානයත් කඩතොළු කළාසේම පොහොට්ටුවත්, ශ්‍රී ලංකා නිදහස් පක්‍ෂයත් කඩතොළු කළ බැව් පැවසූ මන්ත්‍රීවරයා පොහොට්ටුව කඩතොළු කිරීම සම්බන්ධයෙන් සතුටට පත්වන අතර, එක්සත් ජාතික පක්‍ෂයේ තිබූ ඇතැම් කඩතොළු වසා දැමීමට කටයුතු කිරීම පිළිබඳව පා.ම මහින්ද රාජපක්ෂට හා ජනාධිපති සිරිසේනට ස්තූතිවන්ත වන බවයි.

තවදුරටත් අදහස් පළ කළ නලීන් බණ්ඩාර

“මන්ත්‍රීවරු 225 දෙනා කිව්වත් රනිල් වික්‍රමසිංහ මහතාට අගමැතිකම ලබානොදෙන බව සිරිසේන ජනාධිපතිවරයා කියනවා. එතුමා සමඟ සිරිසේන උන්නැහේ තුළ පවතින වෛරය පිළිබඳව අපට පුදුමයි සිරිසේන ජනාධිපතිට ඔය තැනට එන්න ඉඩ හදලා දුන්න රනිල් වික්‍රමසිංහ මැතිතුමා මෙතෙක් කිසිම අවස්ථාවක ජනාධිපතිවරයාට ‍දොස් නගා නැහැ. අපිත් පසුපෙළ මන්ත්‍රීවරුන් හැටියට ඇතැම් අවස්ථාවල ජනාධිපති විවේචනය කරද්දී එසේ නොකරන ලෙස එතුමා අපටත් තරවටු කොට තිබෙනවා. පසුගියදා රෝ ඔත්තු සේවය තමා ඝාතනය කරන්නට කටයුතු කරනවා යැයි ජනාධිපති සිරිසේන අපේ හිතමිතුරු අසල්වැසි රටවන ඉන්දියාව සමඟ ප්‍රශ්නයක් ඇති කරගත් අවස්ථාවේ, ඉන් සති දෙකකට පමණ පසු ඉන්දියාවේ සංචාරයකට ගිය රනිල් වික්‍රමසිංහ මැතිතුමා සිරිසේන ජනාධිපතිවරයා ආරක්‍ෂා කළා. දැන් සිරිසේන ජනාධිපතිවරයා රට හමුවේ මාධ්‍ය තුලින් රනිල් වික්‍රමසිංහ අගමැතිතුමාට විවිධ චෝදනා ඉදිරිපත් කළත් අපේ අගමැතිතුමා ඉවසිලිවන්ත බුද්ධිමත් නායකයෙකු හැටියට කටයුතු කරනවා සේම කොතැනකදී හෝ ජනාධිපතිට ෙදාස් නගා ඇත්දැයි ඔප්පු කරන ලෙස අපි අභියෝග කරනවා.”



11 COMMENTS

  1. I could not resist commenting. Exceptionally well
    written! I couldn’t refrain from commenting. Exceptionally well written! I have been surfing online more than three hours
    today, but I by no means discovered any interesting article like yours.
    It’s beautiful value sufficient for me. Personally, if all webmasters
    and bloggers made good content as you did, the web will be
    much more useful than ever before. http://foxnews.net

Comments are closed.