වැරදි කරන අය අපි ආරක්ෂා කරන්නේ නෑ……!

32

අද වන විට පාලක පක්ෂය මෙන්ම විපක්ෂයද එකබ් බුරුසුවකින් පාට කර ඇති බවත් එම හේතුව නිසාම ජනතාවට දේශපාලනය එපා වී ඇති බවත් අමාත්‍ය රවි කරුණානායක පවසනවා.

අමාත්‍යවරයා මෙම අදහස් පළකරන ලද්දේ, බන්ධනාගාරගතව වැඩසිටින පූජ්‍ය ගලගොඩඅත්තේ ඥාණසාර හිමියන් බැහැදැකීමට අද (22) පෙරවරුවේ බන්ධනාගාරයට පැමිණි අවස්ථාවේදීය.

එහිදි අදහස් දැක්වූ අමාත්‍යවරයා,

“මේ වෙද්දි රට තුළ පොදු අපේක්ෂකයෙක් ගැන කතාවක් පැතිරෙනවා. අපට අවශ්‍ය වන්නේ කයිවාරු කාරයින් නෙමෙයි. රටට ආදරය කරන, රටක් විදියට ඉදිරියට යන්න පුළුවන්, ජයග්‍රහණය කරන්න පුළුවන් කෙනෙක් තමයි අපි හොයන්නේ. වසර ගණනාවක් හිටියා කියලා, අරයාගේ මෙයාගේ පුතා කියලා, සුදුස්සෙක් වෙන්නේ නැහැ. රටට ආදරයක් තියෙන වැඩක් කරන්න පුළුවන් කෙනෙක් තෝරාගෙන එක්සත් ජාතික පක්ෂයක් වශයෙන් දිනන්න පුළුවන් වැඩපිළිවෙලක් ඇතිකළ යුතුයි. අද ජනතාවට දේශපාලනය තිත්ත වෙලා තියෙන්නේ. පාලක පක්ෂය පමණක් නෙමෙයි විපක්ෂයත් අද එකම බුරුසුවකින් පාට කරලා තියෙන්නේ. ඒ නිසා දැන් අපි අළුතින් සිතිය යුතුයි. වැඩ කරන්න බැරි අය කොහොමහරි එල්ලිලා ඉන්නවා. වැඩකරන අයව තමයි නැතිකරන්න හදන්නේ.”

“අපි දන්නවා ඥාණසාර හිමියන් සම්බන්ධව ඇතිවී තිබෙන ගැටළුව. එම ගැටළුව නිරාකරණය කළයුතුයි. ඒ හිමියන්ට ලබාදී ඇති දඩුවම් සාධාරණද නැද්ද කියලා සිතා බැලිය යුතුයි. අසාධාරණ තත්ත්වයක් ඇති වුණොත්, මේ තිබෙන ගැටළුව තවත් බැරෑරුම් වෙනවා. අපි නිතරම සැබෑ තත්ත්වය තේරුම්ගෙන ක්‍රියාකළ යුතුයි. නමුත් සිද්ධ වෙන්නේ ඒක නෙමෙයි. ප්‍රශ්නය ආසන්නයේම තිබෙන වෙනත් කාරණයක් ඉලක්ක කරගෙන, ඒ සාධකයට ප්‍රශ්නයක් ඇතිකරගෙන දගලනවා. වැඩ කරන කෙනාට ලොකු ප්‍රශ්නයක් තිබෙනවා මේ රටේ. ඔවුන්ට වැඩ කරන්න ඉඩ දෙන්නේ නැහැ. මේකම තමයි මටත් ඇතිවෙලා  තිබෙන ගැටළුව.”

“අපි කොහොමද සමගිතාවයෙන් රටක් ඉදිරියට ගෙනයන්නේ, මේ ඛේදවාචකය නිමා කරලා කොහොමද ශ්‍රී ලංකා අනන්‍යතාවයක් ඇති කර න්නේ කියලා කතාකරන්නත් එක්ක තමයි අපි ඥාණසාර හිමියන් බලන්න ආවේ. අපේ මූලික පරමාර්ථය ත්‍රස්තවාදය නැති කිරීමයි. ඒ වෙනුවෙන් තරාතිරමක් නොබලා දඩුවම් කරන්න, ඒ සම්බන්ධයෙන් නායකත්වයක් දෙන්න තමයි අපට අවශ්‍ය වන්නේ. එහෙම නැතිව එක් පුද්ගලයෙක්ගෙ නමක් ඉදිරියට අරන්, ඒක වටේ වැටිලා, අනෙක් දේවල් වසන් කිරීම නෙමෙයි අපට අවශ්‍ය වන්නේ. මේ අවස්ථාවේදී යම් අය එක්කෙනෙක්ගෙ දෙන්නෙක්ගේ නම් ඉදිරිපත් කරලා, මේ ප්‍රශ්නය නැති කරන්න පුළුවන් එතනින් කියලා කියනවා. අප කළ යුත්තේ තිබෙන ප්‍රශ්න උග්‍ර කිරීම නෙමෙයි. සාමාකාමී තත්ත්වයක් ඇති කිරීමයි අප කළ යුත්තේ. මෙවැනි ගැටළු නිරාකරණය කිරීමට තමයි තේරීම් කාරක සභාවක් පත් කරලා තිබෙන්නේ. මේ අවස්ථාවේදී අපි සැබෑ තත්ත්වය තේරුම් අරන් කටයුතු කිරීමයි. වැරදි කරන කිසිම කෙනෙක්ව අපි දේශපාලන වශයෙන් ආරක්ෂා කරන්නේ නැහැ. අපට අවශ්‍ය වන්නේ මේ කෲර ත්‍රස්තවාදය සහමුලින් ඉවත් කරලා දාන්නයි. 1971, 89 සිංහල ප්‍රශ්න ඇති වුණා. ඊට පස්සේ දෙමළ මුස්ලිම් ප්‍රශ්න ඇති වුණා. දැන් තවත් මොනවද මේ අහිංසක රටට ඇති කරන්න හදන්නේ.  බහුතරයක සිත් අමනාපකම් ඇතිවෙලයි තිබෙන්නේ. මේ තත්ත්වය සුවපත් කරන්න ඕන.  රට වැසියාට රට ගැන හැගීමක් ඇති කරන්නයි අවශ්‍ය වන්නේ.”

“පාසල් දරුවන් එක්ක දේශපාලනයක් කළයුතු නැහැ. රැකවරණයක් දියයුත්තේ ආරක්ෂාවක් නැති අවස්ථාවකයි. පාසල් විවෘත කරන්න කියලා උපදෙස් දුන්නේ පොලීසිය සහ ත්‍රිවිධ හමුදාවයි. ඔවුන්ගේ උපදෙස් පරිදි කටයුතු කිරීමයි ආණ්ඩුවක් සතු කටයුත්ත. අද ජනතාව සිටින්නේ බයෙන්. අපි ඒ බය නැති කළ යුතුයි. සාමයක් ඇතිකළ යුතුයි. දේශපාලඥයෝ හැටියට අපි ඒ බය නැතිනොකළොත් කව්ද ඒක කරන්නේ. ගිනිතියෙන එක නැති කරලා, ගිනි නිවන්න අපි කටයුතු කළ යුතුයි.”

“ලෝකයේ සැම රටකම මේ ත්‍රස්තවාදී ක්‍රියා සිදුවෙනවා. අපි ඒ පිළිබදව අවදියෙන් සිටිය යුතුයි. අපි යම් දේවල් දැක දැක නොදැක්ක වගේ ඉන්වා. ඒක තමයි අපි කරන අපරාධය. කිව්වම කිව්ව එකාට ගහනවා මිසක්, සිදුවූ දෙය හොයන්නේ නැහැ. ඒකතමයි අද තත්ත්වය. නමුත් ඒ දේවලි තමයි අපි හොයන්න බලන්න අවශ්‍ය වන්නේ. අන්තවාදය පරාජය කරලා, ත්‍රස්තවාදය නැති කරලා , එකමුතු භාවය ඇති කරමු. ජාතිවාදය, ආගම්වාදය, පක්ෂ දේශපාලනය පසෙක තබලා,  ශ්‍රී ලාංකික අනන්‍යතාවය ඇති කරමු”



32 COMMENTS

  1. Thanks for every other great post. The place else may anyone get that kind of information in such an ideal way of writing? I ave a presentation subsequent week, and I am on the look for such info.

  2. This unique blog is definitely awesome and also factual. I have chosen helluva useful tips out of this source. I ad love to come back again soon. Thanks!

  3. You made some decent points there. I looked on the internet for the subject and found most people will go along with with your site.

  4. This very blog is no doubt educating additionally informative. I have picked helluva helpful advices out of it. I ad love to return again soon. Thanks a lot!

Comments are closed.